Plantun de Prouvènço

Pèr coumpara dos planto d'encò nostre

Oenothera villosa & Cypripedium calceolus

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.

Port : Grando erbo
Taio : 0,3 à 2 m
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Oenothera
Famiho : Onagraceae

Coulour de la flour : Jauno
Petalo : 5
Ø (o loungour) flour : 2 à 4 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Ermas - Camin - Sablo
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Oenothera villosa Thunb., 1794

Soulié(-de-nosto-Damo)

Cypripedium calceolus

Orchidaceae

Autre noum : Sabato(-de-la-vierge).

Noms en français : Sabot-de-Vénus, Sabot-de-Vénus d'Europe.

Descripcioun :
Lou soulié-de-nosto-Damo es uno planto raro au nostre, que trachis en mountagno souto li faiard. Fai de gròssi fueio que dounon d'èr à-n-aquéli de l'erbo-di-mousco. Flouris à la debuto de l'estiéu (1 à 2 flour), e s'aremarco proun emé sa grosso labreto en formo de sabato jauno.

Usanço :
Es uno planto aparado de pas culi.

Port : Erbo
Taio : 30 à 50 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Cypripedium
Famiho : Orchidaceae

Coulour de la flour : Jauno Brunello
Petalo : irreguliero
Ø (o loungour) flour : 6 à 9 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Vo
Mai à juliet

Liò : Faio - Bos clar
Estànci : Mountagnard
Couroulougi : Éurasiatico
Ref. sc. : Cypripedium calceolus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oenothera villosa & Cypripedium calceolus

ges

Coumpara Rougeto(-peludo) emé uno autro planto

Coumpara Soulié(-de-nosto-Damo) emé uno autro planto